Termin: 25.10.2025, godz. 16.00
Miejsce: Chojnickie Centrum Kultury
Scenariusz i reżyseria: Adam Hebel
Muzyka: Marcin Kryża
Kostiumy: Aneta Fittkau
Produkcja: Teatr Zymk
Òpisënk szpëktôklu:
„Zacygna wa sã na òkrãt? Jidze ò Pequoda. Wa pòdpisa werbùnkòwą lëstã. A bëło w ni co ò waszich dëszach? Nie widza wa jesz Stôrégò Gromù? Kapténë Ahaba?” Teater Zymk zôs wëstôwiô swiatową klasykã, tą razą amerikańsczi lëteraturë. Biôłi wielorib przëcygô, nãcy, jak nierozrzesziwalnô wëzgódka. Jak biôłô kôrta, na chtërny kòżdi mòże zapisac swòje znaczenia. Teater Zymk chce na ti biôłi kôrce eksperimeńtowac z fòrmą, zerwac z klasycznym rozmienim pòstacë, nadawac nowi cwëk zachóm, ale nie narzucywac òbzérnikòwi jintepretacjów.
Scenarnik a reżiseriô: Adóm Hébel
Mùzyka: Môrcën Kriża
Kòstiumë: Anéta Fittkau
Rôczimë wszëtczich lubòtników kaszëbsczégò teatru na nadzwëkòwé wëdarzenié, jaczim są teatrowé zéńdzenia „Zdrzadniô Tespisa”. W òbrëmim rozegracje nôleżniczi a nôleżnicczi kaszëbsczich teatrowëch karnów bierą bez dwa dnie ùdzél w artisticznëch warkòwniach, chtërne òd lat przërëchtowùje dlô naju bëlné karno szpecjalistów z Chònicczégò Centrum Kùlturë – Łukôsz Sajnaj, Grégór Szlanga a Pioter Rutkòwsczi.
Dlô lëdzy z bùtna mómë téż rëchtowóny czekawi bédënk – kaszëbskòjãzëkòwi szpëktôkel „Moby Dick” w wëkònanim Teatru Zymk na spódlim amerikańsczi romanë aùtorstwa Hermana Melville’a.
